+995 32 2 14 68 42

ჩვენს შესახებ

პროფესიული  მომზადებისა და საერთაშორისო განათლების ცენტრი One World 2005 წელს დაარსდა.
ჩვენ გვჯერა, რომ ცნობიერების ამაღლება ამა თუ იმ დარგში, ფორმალური განათლების მიღების თანაბარმნიშვნელოვანია. საზოგადოების, როგორც ერთი მთლიანი მექანიზმის გამართვისთვის, საჭიროა თითოეული ადამიანის ცნობიერების ამაღლებაზე, ინფორმატიულობაზე, კრიტიკული აზროვნების უნარის განვითარებაზე მუშაობა. ეს გაცილებით უფრო დიდ ეკონომიკურ სარგებელს მოგვიტანს, ვიდრე ბევრი წითელი დიპლომი და აკადემიური, თუმცა სწორხაზოვანი აზროვნება.
 
საზღვარგარეთ სწავლისას ვიღებთ არა მხოლოდ კარგ განათლებას, არამედ ვეცნობით განსხვავებულ კულტურას, ვიღებთ ჩვენთვის უჩვეულო ინფორმაციას, გავდივართ კომფორტის ზონიდან, ვიღებთ დიდ ცხოვრებისეულ გამოცდილებას და ვხდებით უფრო მეტად ტოლერანტულები.
 
წლების განმვლობაში ვაკვირდებოდით ჩვენს მიერ სასწავლებლად გაგზავნილი სტუდენტების პროგრესს, რაც კიდევ უფრო მეტად გვაყვარებს ჩვენს საქმეს. ამ დროისათვის გვაქვს 3000-მდე სასწავლო პროგრამა მსოფლიოს მასშტაბით, გვყავს 500-მდე საერთაშორისო პარტნიორი. ამ სასწავლო წელს უფრო დიდი შემართებით ვაგრძელებთ და პრიორიტეტს საზღვარგარეთ სასწავლო პროგრამების განვითარებას ვანიჭებთ.
 
საზღვარგარეთ სასწავლო პროგრამების გარდა One World-ში მოქმედებს შემდეგი მიმართულებები:
 
პროფესიული განათლება:
კემბრიჯის საერთაშორისო კოლეჯის სადიპლომო დისტანციური კურსები
სასტუმროს მართვის ტრენინგი სტაჟირებით
 
ინგლისური:
პროფესიული ინგლისური
აკადემიური ინგლისური

 

კონტაქტი

 

+995 32 2 14 68 42


თბილისი, პ. ქავთარაძის 14ბ, Dream Town Offices


support@oneworld.ge