სასტუმროების ქსელისა და ინფრასტრუქტურის განვითარება ჩვენი ქვეყნის ეკონომიკის ერთ-ერთი ძირითადი მიმართულებაა. ეს შეუძლებელია სერვისის მაღალი სტანდარტის დანერგვის გარეშე. სასტუმროებისა და ტურისტების რაოდენობა დღითი-დღე იზრდება, თუმცა მაღალი ხარისხის მომსახურების ნაკლებობა ისევ დიდ პრობლემად რჩება. იმისათვის რომ მომსახურება გაუმჯობესდეს, კვალიფიცირებული კადრებია საჭირო. ჩვენ გთავაზობთ მრავალპროფილიან სასწავლო კურსს :

სასტუმროს მართვა

კურსის მიზანი: მონაწილეთა მომზადება, მათთვის თეორიული და პრაქტიკული ცოდნის გადაცემა, სხვადასხვა აუცილებელი უნარის გამომუშავება, ეფექტურად მუშაობისათვის აუცილებელი თეორიული ცოდნის პრაქტიკაში გამოყენების შესაძლებლობის მიცემა.

კურსის თემატიკა:

ურთიერთგაცნობა, საგნის არსი და მისი მნიშვნელობა, სასტუმროს მომსახურების სფეროს თანამშრომლების როლი, სამუშაოსთვის აუცილებელი მახასიათებლები და მათი განვითარების გზები, მომსახურების ეტიკეტი, საზოგადოებასთან ურთიერთობის საფუძვლები ( მარკეტინგის როლი სასტუმროში), სასტუმროს პროდუქტის რეალიზაციის საფუძვლები, სასტუმრო დაწესებულებების ისტორიული განვითარება, FRONT-DESK-ის თანამშრომელთა შესაფერისი მოქცევა, სასტუმრო ოთახების კატეგორიები, სასტუმროს განყოფილებები, სასტუმროს მართვის სტრუქტურა აღმასრულებელკომიტეტი.სტუმრების მიღება - განთავსების სამსახური, დაჯავშნის სამსახური - სატელეფონო ეტიკეტი. სტუმრის რეგისტრაცია სასტუმროში - საერთაშორისო სტანდარტიზაცია (CHECK IN), პრეტენზიების მიღება სტუმრებისაგან, სასტუმროს მარკეტინგი, სასტუმროს დასუფთავების სამსახური, სამედიცინო მომსახურება სასტუმროში და სხვა.

მეთოდი: თეორიული ნაწილი დაბალანსებულია პრაქტიკული სავარჯიშოებით. გამოიყენება: პრეზენტაციები, როლური თამაშები, სასწავლო ქეისები.

თეორიული კურსის ხანგრძლივობა - 44 საათი
პრაქტიკული კურსი/სტაჟირება – 16 საათი
მეცადინეობები ტარდება კვირაში 2 ჯერ
ტრენინგის ხანგრძლივობა 2 საათი

სტაჟირება მიმდინარეობს საერთაშორისო ქსელის პრესტიჟულ სასტუმროებში საქართველოს მასშტაბით: ყველაზე წარმატებულ ქსელურ სასტუმროებში. სტაჟირების დროს შეისწავლით სასტუმროს მართვის კომპიუტერულ პროგრამას Opera, პრაქტიკულად განახორციელებთ სხვადასხვა ოპერაციებს, შეიძენთ საჭირო უნარ-ჩვევებს.

კურსის საფასური: 650 ლარი

ფასი მოიცავს:

1. სერტიფიკატი და სარეკომენდაციო წერილი

2. სტაჟირება საერთაშორისო ქსელის პრესტიჟულ სასტუმროებში

3. ექსკურსიები ქსელურ სასტუმროებში

4. სერვისის სფეროში დასაქმების პერსპექტივა

კანდიდატები შეირჩევიან კონკურსის საფუძველზე. ზოგადი მოთხოვნები, რომელსაც ყველა დამსაქმებელი აყენებს: თეორიული და პრაქტიკული ცოდნა, სერტიფიკატი, პიროვნული და პროფესიული თვისებები: მოწესრიგებული, დისციპლინირებული, ოპერატიული, დაგეგმვისა და ორგანიზების უნარი, კონფლიქტური სიტუაციების მართვის უნარი, გუნდური მუშაობის უნარი. სერვისის სფეროსთვის საჭირო კომპუტერული პროგრამის ცოდნა.

ასევე გთავაზობთ კემბრიჯის საერთაშორისო კოლეჯის დისტანციური სწავლების საერთაშორისო სადიპლომო პროგრამას:
Hotel Oprerations and Management - კურსის დამთავრების შემდეგ, გამოცდის საფუძველზე, გაიცემა კემბრიჯის საერთაშორისო კოლეჯის დიპლომი (მოითხოვება ინგლისური ენის მაღალი საშუალო დონე B2)
ფასი 850 ლარი